Unë rri në shtëpi!

Në këto ditë kujdesi, vigjilence dhe durimi të shtuar le të takohemi këtu virtualisht, për të lexuar disa informacione interesante, mbi destinacione në vendin tonë.

A e dini se?

Kalaja e Beratit daton 2500 vjet më parë dhe pozicioni strategjik i saj bënte të mundur kalimin e rrugëve në antikitet nga krahinat e brendshme të luginës së Osumit, drejt fushës së Myzeqesë, ku gjendeshin qytete dhe qendra të mëdha tregtare si Apollonia.

Në qendër të saj ndodhet dhe Pika Panoramike e Tabjes, prej ku vizitorët mund të dallojnë shumë qartë, luginën e Osumit si dhe lagjet muze “Mangalem” dhe Goricë”, pajisur me barrierat e duhura për sigurinë e vizitorëve.

Aktualisht me financim të Bankës Botërore, Fondi Shqiptar i Zhvillimit po zbaton projektin për rikonstruksionin e rrugës “Muzak Topia”. Akses dhe lehtësi për industrinë e turizmit.