{"id":9603,"date":"2021-06-17T13:14:44","date_gmt":"2021-06-17T11:14:44","guid":{"rendered":"https:\/\/www.albaniandf.org\/?p=9603"},"modified":"2021-06-17T13:14:44","modified_gmt":"2021-06-17T11:14:44","slug":"programi-i-ujesjellesave-rurale-iv-2","status":"publish","type":"post","link":"https:\/\/www.albaniandf.org\/en\/2021\/06\/17\/programi-i-ujesjellesave-rurale-iv-2\/","title":{"rendered":"PROGRAMI I UJ\u00cbSJELL\u00cbSAVE RURAL\u00cb IV"},"content":{"rendered":"

#Uji\u00cbsht\u00ebJet\u00eb<\/strong><\/p>\n

Pas nj\u00eb nd\u00ebrhyrje t\u00eb suksesshme t\u00eb Programit t\u00eb Uj\u00ebsjell\u00ebsave Rural\u00eb III, me shtrirje n\u00eb t\u00eb gjith\u00eb vendin p\u00ebr rrjetin e furnizimit me uj\u00eb t\u00eb past\u00ebr higjenikisht, pa nd\u00ebrprerje dhe me tarifa ekonomike p\u00ebr konsumatoret, fillimi i zbatimit t\u00eb Programi i Uj\u00ebsjell\u00ebsva Rural\u00eb IV \u00ebsht\u00eb nj\u00eb lajm i shk\u00eblqyer p\u00ebr banor\u00ebt e bashkive t\u00eb Himar\u00ebs & Orikumit dhe p\u00ebr zhvillimin e turizmit n\u00eb k\u00ebt\u00eb zon\u00eb t\u00eb rivier\u00ebs shqiptare.<\/p>\n

Mbi 80,000 banor\u00eb dhe turist\u00eb do t\u00eb p\u00ebrfitojn\u00eb nga furnizimi me uj\u00eb t\u00eb pijsh\u00ebm 24 or\u00eb sipas standardeve higjeno-sanitare dhe nga nd\u00ebrtimi i linjave t\u00eb furnizimit me uj\u00eb, sistemeve t\u00eb shp\u00ebrndarjes, si dhe rezervuar\u00ebve e stacioneve t\u00eb pompimit. Gjithashtu, ky projekt do t\u00eb ket\u00eb nj\u00eb impakt pozitiv n\u00eb mjedis fal\u00eb nd\u00ebrtimit t\u00eb dy HEC-eve t\u00eb vegj\u00ebl n\u00eb Himar\u00eb, duke kontribuar n\u00eb prodhimin e energjis\u00eb s\u00eb rinovueshme dhe mbrojtjen e mjedisit.<\/p>\n

N\u00eb kuadrin e programit, do t\u00eb nd\u00ebrtohen dhe rehabilitohen rrjetet dhe kolektor\u00ebt e kanalizimeve t\u00eb uj\u00ebrave t\u00eb ndotura n\u00eb qytetin e Himar\u00ebs dhe Orikum, ku do t\u00eb trajtohen n\u00eb nj\u00eb impiant t\u00eb ri modern n\u00eb veri t\u00eb qytetit t\u00eb Himar\u00ebs, si dhe n\u00eb at\u00eb ekzistues n\u00eb Orikum. K\u00ebshtu uj\u00ebrat e kaltra t\u00eb Jonit, do t\u00eb jen\u00eb jo vet\u00ebm t\u00eb bukura, por dhe t\u00eb sigurta p\u00ebr turist\u00ebt. Pushuesit n\u00eb zon\u00ebn e Himar\u00ebs dhe Orikumit do t\u00eb mund t\u00eb shijojn\u00eb detin e past\u00ebr sipas standardeve t\u00eb p\u00ebrcaktuara n\u00eb Direktiv\u00ebn 2006\/7 t\u00eb BE-s\u00eb.<\/p>\n

Programi i Uj\u00ebsjell\u00ebsva Rural\u00eb IV do t\u00eb ndikoj\u00eb drejtp\u00ebrs\u00ebdrejti n\u00eb p\u00ebrmir\u00ebsimin e cil\u00ebsis\u00eb s\u00eb jet\u00ebs dhe sh\u00ebndetit t\u00eb banor\u00ebve dhe rritjen e turizmit n\u00eb saj\u00eb t\u00eb furnizimit me uj\u00eb t\u00eb pijsh\u00ebm, rritjes s\u00eb prodhimit t\u00eb energjis\u00eb s\u00eb rinovueshme n\u00ebp\u00ebrmjet nd\u00ebrtimit t\u00eb HEC-eve dhe pastrimit mekanik-biologjik t\u00eb uj\u00ebrave t\u00eb ndotura.<\/p>\n

Programi do t\u00eb zbatohet n\u00eb bashk\u00ebpunim t\u00eb ngusht\u00eb me Nj\u00ebsit\u00eb Vendore. Jan\u00eb parashikuar konsultime publike me banor\u00ebt rreth nd\u00ebrhyrjeve q\u00eb do t\u00eb realizohen nga ky program me nd\u00ebrmjet\u00ebsimin e pushtetit vendor. Gjithashtu do t\u00eb mb\u00ebshtetet zhvillimi i kapaciteteve vendore p\u00ebr operimin dhe mir\u00ebmbajten e sistemit t\u00eb furnizimit me uj\u00eb t\u00eb pijsh\u00ebm dhe rrjetit t\u00eb kanalizimeve t\u00eb uj\u00ebrave t\u00eb ndotura pas p\u00ebrfundimit t\u00eb programit. N\u00eb k\u00ebt\u00eb m\u00ebnyr\u00eb do t\u00eb garantohet nj\u00eb zhvillim i qendruesh\u00ebm i zon\u00ebs dhe do t\u00eb nxitet m\u00eb tej zhvillimi i turizmit dhe ekonomis\u00eb, duke siguruar mbrojtjen e sh\u00ebndetit t\u00eb konsumator\u00ebve dhe mjedisit.<\/p>\n