Fondi Shqiptar i Zhvillimit

Faqja Kryesore > Aktivitete > Projekte të realizuara

Projektet e Investimeve Sociale (I, II, III)

Qëllimi i Projektit:

Të mbështesë Qeverinë Shqiptare në nxitjen e zhvillimit social dhe ekonomik të vendit nëpërmjet përmirësimit të infrastrukturës së vogel lokale në Shqiperi, dhe nëpërmjet nxitjes së zhvillimit të aktiviteteve private dhe krijimit të punësimit.

Objektivat:

Të rehabilitojë infrastrukturën e vogel lokale sipas prioriteteve të ketyre komuniteteve.
Të krijojë mundësi punësimi për popullsinë përfituese, vecanërisht nëpërmjet realizimit të projekteve sociale të cilët lejojnë një angazhim të madh të krahut të punës;
Të përmirësoje kushtet e jetës të popullsisë në zonat rurale dhe urbane

Përshkrimi i Projektit:

Nënprojektet e synuar për tu rehabilituar janë tipiket e objekteve të FSHZH si rrugë, ujësjellës, ndërtesa publike, kanalizime, tregje, etj. Në përgjigje të objektivit të rritjes së nivelit te punesimit të popullsisë përfituese u hartua nga Banka Gjermane per Zhvillim një projekt i quajtur Projekti i Punës Intensive i destinuar per 11 qytetet më të varfera të zones verilindore. Ky projekt dallohet për përfshirjen e plote të Bashkive në realizimin e punimeve të nënprojektit të perzgjedhur, nëpërmjet administrimit të drejtpërdrejt të fondeve dhe realizimin e punimeve me një vlerë prej 30 000 Euro për cdo Bashki.

Komponentët kryesorë të Projektit:

Punimet e infrastrukturës rurale dhe urbane.
Mbështetja e pushteteve lokale në përvetësimin e metodave të angazhimit të burimeve lokale, krijimit të punësimit, shërbimeve të asistencës dhe trainimeve, dhe qëndrueshmerisë së investimeve.

Grupet e synuara:

Komunitetet lokale të zonave rurale dhe urbane, përfaqesuesit lokal të Komunave dhe Bashkive, personeli i FSHZH.

Aktorët e Përfshirë

Banka Gjermane për Zhvillim (KfW), Qeveria Shqiptare, komunitetet lokale dhe Njësite e Qeverisjes Vendore, FSHZH, kompanite e ndërtimit, NGO lokale

Buxheti: 9.45 Milion EURO
Kohëzgjatja: 1999 - 2006

Komente të tjera

Financimi i parë është realizuar gjatë periudhës 1999-2002 , ndërsa dy Projektet e tjerë janë projektuar dhe kanë ndjekur njeri tjetrin gjatë periudhës 2003-2006. Projektet e KfW janë vlerësuar në vazhdueshmeri nga konsulent lokal të pavarur dhe rezultatet e vleresimeve kanë qene të një niveli përgjithësisht të kënaqshem si per SIF 1 ashtu edhe për SIF 2. Bazuar edhe në keto rezultate KfW është duke projektuar një financim të ri, "Projekti i Ujësjellesave Rurale"